Hér er önnur mynd sem ég tók á Egilsstöðum. Þessi fannst mér líka verulega vafasöm, þó ekki eins vafasöm og Svetlana í ferðatösku.



Um að gera að hafa sömu myndina í pítu með buffi og grænmetispítunni. Hagræðing í rekstri, ekkert hægt að segja við því.

Vantar þig ferðatösku? Mögulega er Svetlana ekki búin að selja sína. Hafðu samband, fæst næstum gefins....

Rakst á þessa auglýsingu á hamborgarabúllunni á Egilsstöðum þegar ég var að heimsækja Ægi. Varð bara að taka mynd af henni og deila með öðrum. Svetlana er glæsileg í ferðatösku.

Ég hef ákveðið að byrja að blogga aftur... Hversu öflugur bloggari ég verð mun tíminn einn leiða í ljós en þetta mun vera c.a. átjánda skiptið sem ég "byrja" aftur.

Það sem mig langar að gera að fyrsta umfjöllunarefni mínu er heimasíða sem allir ættu að kynna sér, www.kindur.is. Eigandi og stofnandi síðunnar er vinkona mín hún Hlédís Sveinsdóttir.

Í stuttu máli er tilgangur síðunnar að gefa fólki tækifæri á að fóstra og/eða eignast kind í einni af sveitum landsins gegn vægu gjaldi. Það er þó óhætt að segja að maður fái eitthvað fyrir peninginn því með greiðslu árgjalds fær maður að heimsækja kindina nokkrum sinnum á ári, maður má nýta ullina af henni, skíra hana o.s.frv.

Fyrir utan það hversu sniðug þessi hugmynd er þá er tilgangurinn líka ákaflega göfugur, en eins og segir á heimasíðunni "Með auknu aðgengi að sveit, vonumst við til þess að skilningur almennings aukist á mikilvægi þess að halda sveitum landsins í byggð."

Ég var einu sinni stuðningsforeldri fyrir lítinn dreng í Uganda. Fékk af og til sendar einkunnirnar hans. Hann var lélegur í stærðfræði, betri í öðru. Það var ágætt að styðja Shalifu Nsubuga og ég er ekki frá því að mér hafi fundist ég vera betri manneskja fyrir vikið. Gallinn þó við að styðja lítinn dreng í Uganda er sá að maður fær ekki að hitta hann og má ekki senda honum gjafir. Auk þess vantaði iðulega á hann skófatnað á þeim myndum sem ég fékk af honum, það sárnaði mér.

Ég ætla ekki að ganga svo langt að segja að kindur.is sé hin íslenska ABC barnahjálp en ef einhver telur að það að fóstra kind og styðja gott málefni geti látið viðkomandi líða eins og betri manneskju þá er tilganginum náð. Svo er tilhugsunin um að liggja undir teppi af uppáhalds kindinni sinni líka bara svo skemmtileg. Ég legg því til að sem flestir kynni sér heimasíðuna og skoði kindurnar sem í boði eru. Það ættu allir að eiga eina !

Eins og Alli commentaði réttilega hér á síðunni er ég lélegur bloggari. Hann sagði reyndar líka að ég væri lélegur uppvaskari en því er ég vitanlega algjörlega ósammála, ég er stórkostlegur uppvaskari!
Það verður þó að segjast eins og er að ástæðan fyrir bloggleysi mínu er ósköp einföld. Það er bara svo lítið að gerast í mínu lífi hér í Prag sem er vert að deila með lesendum þessa bloggs. Mér líður stundum eins og ég ímynda mér að Bill Murray líði í hinni stórkostlegu mynd Groundhog Day. Það er þó alls ekki þannig að mér leiðist hérna úti en það verður að viðurkennast að dagarnir eru oft ansi einsleitir.

Ég er því búinn að flýta fluginu mínu heim. Til stóð að ég kæmi þann 21. des en ég hef flýtt því um viku og kem því þann 14. Ég er ekki frá því að ég sé farinn að hlakka mikið til að koma heim, það verður rosalega gott að sjá allt liðið aftur og flytja inná Laugaveginn sem er búinn að vera í útleigu í eitt ár.

Ég stórlega efast um að ég skrifi nokkuð meira hérna inn áður en ég kem heim. Ég hlakka til að sjá ykkur öll og fyrir þá sem hafa áhuga á verður heitt á könnunni á Laugaveginum  yfir hátíðarnar.

Kv. Gísli

Mer tokst ad tyna simanum minum a skralli um daginn. Er thvi kominn med nytt simanumer, en thad er... 0042-0793-8016-77.

Heyrumst...
-Gisli

Fekk mjog truflandi en skemmtilegt e-mail i dag sem mig langar ad deila med lesendum thessa bloggs:

Dobri den.
Það leiðindar atvik átti sér stað í gær að tölvan mín gaf upp öndina eftir erfiða baráttu við illvíga klamydíu eða álíka vírus. Það er því óvíst hversu mikið ég get skrifað hér inn á næstunni enda undir náð og miskun Tígursins kominn hvað varðar tölvuaðgang næstu daga, en þess ber að geta að hann hefur verið meira og minna online s.l tvö ár og því lítill tími aflögu fyrir tölvulausan Gísla. Tölvuleysi er þó ekki alslæmt í nýju landi og ýmislegt annað skemmtilegra og heilbrigðara að gera en hanga á netinu.
Það lítur annars út fyrir mikið partýstand næstu helgi enda erum við að fá fjóra vini í heimsókn. Steinar Júl er að koma frá Stokkhólmi og þeir Bjössi, Elmar og Rúnar ætla að kíkja til okkar á Pod Marjánkou 14 í heimsókn frá Austurríki. Við verðum því sex strákar saman í um 45 fm, sem er auðvitað ekkert nema hrezzandi og umfram allt ákaflega gefandi.
Skólinn er kominn á fullt skrið og er ég í 9 áföngum. Flest af þessu er kidstöff þar sem við erum mikið í því að lesa enska texta og ræða innihaldið, svipar í rauninni mikið til enskukennlu í gaggó. Einhverjir kúrsarnir eiga þó að verða krefjandi en mér finnst það reyndar mjög hæpið þar sem enskukunnátta tékknesku bekkjafélaga minna er mjög slök... en við sjáum til. Frí á föstudögum er staðreynd sem ber að fagna og því þriggja daga helgi allar helgar. Sem er mjöööög gott !!

Þetta er Gísli Joð Eysteinsson, Prag !

Jæja... þetta hefur tekið sinn tíma. Síðan ég skrifaði síðustu færslu hefur tölvan mín verið með bullandi klamydíu og því hef ég ekki getað skrifað neitt hér inn. Vonandi er þetta þó komið í lag!
En annars er það er frétta af mér að Tommi er nýfarinn heim eftir sex daga heimsókn. Við áttum góðar stundir en helst að nefna afmælisdag minn þann 30. sept s.l þar sem hann bau mér út að borða tvisvar sama daginn. Auk þess tók hann að sér starf meindýraeyðis þegar heim var komið sama dag þar sem einhver okkar hafði gleymt baðherbergisisglugganum opnum eina kvöldstund og fyllt baðherbergið af vespum, en fyrir þá sem ekki vita er fátt sem ég er meira hræddur við en vespur! Minn maður vatt sér inná klósett, einungis vopnaður hanklæði og barði um 12 vespur til ólífs eins og óður maður. Vel gert!
Vespuógeðið var þó ekki það versta sem kom fyrir þann 30. sept. heldur það sem gerðist yfir kvöldmatnum. Ekki gleyma því að þennan dag varð ég 26 ára... Rétt eftir að við kláruðum matinn okkar voru ljósin dimmuð á veitingastaðnum og tveir þjónar tóku "hardrocktrixið" á mig og komu syngjandi til mín með afmælisköku. Ég verð að viðurkenna að mér leið eins og 13 ára stelpu, en hvað um það... smá niðurlæging er vel þess virði ef kakan er lostæti!
Takk allir sem senduð mér kveðju þannan dag, og takk Tommi fyrir skemmtilegan tíma.
Meira síðar... Kveðja frá Prag

Það virðist vera hefð hjá Íslendingum sem fara erlendis í lengri tíma en helgarferð að blogga um veru sína í útlandinu. Ég er vissulega Íslendingur og því steyptur í sama mót og allir hinir. Þetta er því bloggið mitt þar sem ég mun skrifa um það helsta sem ég geri í Prag.

Mér finnst kjöt gott, eiginlega alveg svakalega gott. Í rauninni þá finnst mér kjöt það gott að mér finnst það ekki taka sig að borða grænmeti, enda er grænmeti argasti viðbjóður. Eftir að hafa flogið til Prag frá Amsterdam á mánudaginn var það mitt fyrsta verk að setjast á matsölustað í hverfinu þar sem ég kem til með að búa næstu þrjá mánuðina. Matseðillinn var á tékknesku sem kom sér afar illa fyrir mig þar sem kann vitanlega ekki staf í því máli. Einhvernveginn náði ég samt að átta mig á því hvað nautakjöt væri og pantaði því einhvern rétt með 200gr af nautakjöti. Eftir örskamma stund kom afgreiðslustelpan með tvo diska til mín, annar með smjörsteiktu brauði og hinn með 200gr. af hráu nautahakki og hráu eggi. Ég verð að viðurkenna að slíkan rétt hef ég aldrei séð áður en hugsaði með mér sem svo að það væri nú allt í lagi að prófa og makaði því nautahakkinu á smjörsteikta brauðið og beit í. Það er skemmst frá því að segja að þetta var hreinasti viðbjóður og Guð forði mér frá því að þurfa að líta þennan rétt augum aftur. Eitthvað hefur búksinn minn líka verið ósáttur við þetta því síðan þá hef ég verið með stanslausan niðurgang. Það má því segja að kjötdýrkun mín hafi komið mér um koll í þetta skiptið, en vitanlega mun ég ekki láta þetta mér að kenningu verða og mun óhikaður borða mikið magn af kjöti í framtíðinni... svo framanlega sem það er eldað áður.


Annars var ég að fá símanúmer í dag en það er stutt og laggott og sérlega vel til þess fallið að muna utanbókar. Gísli Prag tel: 0042-0723-0121-58